Gobi Paratha Recipe | Spicy Stuffed Cauliflower Paratha

🫓 Gobi Paratha Recipe | Garma Garam Gobhi ke Parathe

Occasion: Breakfast ho ya lunchbox – dono ke liye perfect!

👋 Thoda Introduction:

Gobi Paratha... naam sunte hi muh mein paani aa gaya na? 🤤

Garam paratha, uske upar makkhan ka ek bada sa tukda, aur saath mein thanda dahi ya aam ka achar – bas wahi desi sukoon! Yeh recipe mere ghar mein toh Sunday breakfast ka fix hai. Aap bhi try karo, dil khush ho jaayega.

---

🧾 Ingredients:

🫓 Dough ke liye:

• 1.5 cup gehun ka atta
• Thoda sa namak
• Thoda pani (dough banane ke liye)
• 1 tsp tel (optional)

🥦 Stuffing ke liye:

• 1.5 cup grated gobhi (cauliflower)
• 1-2 hari mirch (bareek kati hui)
• 1 tsp adrak (grated)
• ½ tsp lal mirch powder
• ½ tsp haldi
• 1 tsp dhaniya powder
• ½ tsp garam masala
• Namak swad anusar
• 1-2 tbsp hara dhaniya (optional, par flavour ke liye must!)

🔥 Roast karne ke liye:

• Thoda ghee ya oil (jo pasand ho)

How to make Gobi Paratha Easy Indian Breakfast

👩‍🍳 Kaise Banaye – Step by Step:

1. Dough ready karo:

Ek bowl mein atta, namak daalo. Dheere dheere paani milate hue soft dough gundo lo.

Upar se halka sa tel laga ke cover karo aur 10-15 min ke liye side mein rakh do.

2. Stuffing banao:

Gobhi ko grate kar lo aur agar zyada pani ho toh halka sa nichod lo.

Ab usmein mirch, adrak, saare masale aur hara dhaniya daal kar mix kar lo.

Stuffing ready ho jaaye toh ek baar swad check kar lena — kabhi kabhi masale thode kam ya zyada lag sakte hain.

3. Paratha banaye:

Ab dough ka ek hissa lein, haathon se gol shape banayein, aur belan se halka sa belna shuru karein.

Beech mein stuffing rakho (achhi quantity), saare edges upar se close karo.

Dheere se belan se bel lo. Dhyan rahe stuffing bahar na nikle.

4. Tawa pe sekhna:

Garam tawa pe paratha daalo.

Ek side halka sa cook ho jaaye toh palto aur ghee/oil laga kar dono taraf se golden brown hone tak sekho.

🧈 Serve kaise kare:

Garam Gobi Paratha, upar se makkhan, saath mein dahi aur aam ka achar — bas, zindagi set!

💡 Tips & Tricks:

Gobhi grate karne ke baad thoda sa namak daal ke 5 min chhod do, phir pani nikal do — stuffing soggy nahi hogi.

Chaaho toh stuffing mein ajwain daal sakte ho, digestion ke liye bhi accha hota hai.

Paratha belte waqt pressure halka rakhna, warna stuffing bahar aa jaayegi.

🤗 Bonus:

Yeh parathe sirf garam hi nahi, thande hone ke baad bhi apna swaad banaye rakhte hain — isiliye lunchbox ke liye bhi kaafi reliable option hain.

Agar aapko stuffed parathe pasand hain, toh ek baar Aloo Paratha aur Paneer Paratha bhi try zaroor karke dekhiye — simple ingredients aur ghar ka swaad dono milega.

Quick aur fun recipes ke liye meri Cheesy Maggi aur Spicy Masala Maggi wali posts bhi zaroor check karo!