Chole Masala Recipe – Dhaba Style Punjabi Chole at Home

Agar tumhare mann mein kabhi yeh sawaal aaya ho: “How to make chole ghar pe bilkul street-style taste mein?” —Agar tum ghar par bana chahte ho wohi authentic taste wala masaledar chana, jo har dhabe ya street stall pe milta hai, toh yeh Punjabi Chole recipe perfect hai. Isse kai log Street Style Chana Masala bhi kehte hain — aur aaj hum wahi version simple tarike se ghar par banayenge. Yeh spicy, tangy aur masaledar curry North Indian cuisine ka ek classic gem hai.

📌 Masala lachha Paratha Recipe ye bhi try karen.

Garam garam bhature, jeera rice ya poori ke saath jab is Indian Chickpea Curry ko serve kiya jata hai — toh har ek bite mein sirf swaad hi nahi, balki ek nostalgia bhi hota hai!

🛒 Ingredients – Chole Masala Recipe ke liye kya-kya chahiye

Main Items:

• Kabuli Chana (white chickpeas) – 1.5 cup (raat bhar bhigo ke)

• Pyaaz – 2 medium (barik kata hua)

• Tamatar – 2 (grated or pureed)

• Adrak Lahsun ka paste – 1.5 tbsp

• Hari mirch – 1 slit

• Oil – 3 tbsp

• Tej patta – 1

• Laung – 3

• Badi elaichi – 1

• Dalchini – 1 small stick

Masale (Spices):

• Haldi – 1/2 tsp

• Lal mirch powder – 1 tsp

• Dhaniya powder – 1.5 tsp

• Jeera powder – 1 tsp

• Garam masala – 1 tsp

• Chole masala – 1.5 tsp

• Namak – as per taste

• Amchur powder – 1/2 tsp

• Anardana powder – 1/2 tsp (optional)

Garnish ke liye:

• Hara dhaniya – chopped

• Ginger julienne – optional

• Lemon wedge – optional

---

📌 Aaloo Cheese Paratha Recipe  ye bhi try karen.

👨‍🍳 How to Make Chole – Step-by-Step

Step 1: Chole ko boil karo

Sabse pehle, kabuli chana ko raat bhar bhigo do. Phir pressure cooker mein 4–5 cups paani, namak aur ek tea bag (ya cloth mein bandha hua 1 tsp chai patti) daal ke 6 city tak boil karo. Is process se chole ka colour naturally dark aur rich ho jaata hai, jaisa ki hum dhaba-style Punjabi Chole mein dekhte hain. Saath hi ek deep, rustic flavour bhi develop hota hai jo taste mein alag hi depth laata hai.

---

Step 2: Masala base tayar karo

Ek kadahi mein oil garam karo. Ab khade masale daalo — jaise tej patta, laung, badi elaichi aur dalchini — aur inhe halki aanch par kuch seconds tak bhuno jab tak ek khushboo sa uthne lage jo kitchen ko masale-daar bana de.Pyaaz ko pan mein daalkar medium heat par tab tak bhuno jab tak wo sundar golden brown shade mein badal jaaye – isse dish ka base flavour banega.

Adrak-lahsun paste aur hari mirch daal ke 2 min aur bhuno. Ab tamatar ka puree ya grated form daal do, saath hi haldi, lal mirch, dhaniya aur jeera powder bhi mila lo. Ab is masale ko patience ke saath bhuno — jab tak tamatar ka raw taste chala na jaye aur oil sides se chhootne na lage. Tab jaake masale mein woh real North Indian punch aata hai.

---

Step 3: Chole aur masala ko mix karo

Boiled chole (tea bag nikaal ke) masale mein daal do. Saat hi mein thoda boiled water bhi add karo (1.5 cup tak). Ab chole masala powder aur garam masala daal kar sab kuch achhi tarah se mix karo.

10–15 minutes tak is Indian Chickpea Curry ko simmer hone do taaki saare masale chano mein absorb ho jayein.

Ant mein amchur aur anardana powder daal kar mix karo – yeh tangy punch deta hai jo har Street Style Chana Masala mein hota hai.

---

Step 4: Serve karo with love!

Garam-garam Punjabi Chole ko fresh coriander se garnish karo. Upar se ginger julienne daal sakte ho aur lemon wedge ke saath serve karo.

Pair it with:

• Bhature

• Puri

• Jeera rice

• Butter naan

• Kulcha

---

📌 Cheesy Maggi Recipe  ye bhi try karen. 

🌟 Pro Tips for Perfect Chole Masala Recipe

Raat bhar bhigoye chole hi use karo – yeh texture aur softness dono mein help karta hai.

Colour aur flavour ke liye tea bag wala hack use karo.

Agar gravy thick chahiye, kuch chole mash karke curry mein mila do.

Yeh Indian Chickpea Curry next-day aur bhi zyada tasty ho jaata hai!

🤍 EveryBite ka aim hai simple recipes mein asli taste laana. Aapka feedback hamesha welcome hai. Milte hain next recipe mein!

---